Transcription
1
Monseigneur, sy les assemblées secrettes et publicques de ceux qui se disent
2
enfans de Dieu ou religieux réformés ne nous eussent appourté aulcung mal
3
par le passé ny deshobeissance à nostre roy (duquel vous tenés le lieu
4
en ce pays), une infinité de peuple ne se trouveroit à présent estonné en ceste
5
ville ; mays d’aultant que tous animaux, par ung instinc naturel,
6
craignent et fuyent ce qui leur est contrayre et plus fort, celuy à qui
7
Dieu a donné, oultre la nature, rayson et jugement, voyant revenir telles
8
choses, crainct rechoir en telle misère et calamité que puys naguières nous
9
a tant affligés – de laquelle vous pouvés estre et juge et tesmoing pour
10
en avoir plus senti au cœur que tous ceux qui ont perdu en leurs biens
11
– pour la grande bonté et vertu desquelles Dieu vous a pourveu, oultre une
12
prudence et advis don[t] avons telle asseurance, que toutes leurs assemblées
13
et dessains viendront en fumiée, vous y estant adverti ; qui ma causé vous
14
escripre la presente parce, que mardi dernier, jour de La Magdelayne, ung ministre
15
avecques neuf ou dix desdits religieux de ceste ville sassemblarent sur
16
la nuict chez maistre Jaques Faure, le medecin, et feurent descouvers puys
17
trouvés tous assemblé par une bonne troupe de catholicques de ceste ville
18
qui y accompagnarent le lieutenant de juge, qui en print actes et despuys s’est
19
monstré assés lent à l’information. Toutefoys je m’asseure que verrés tout comme
20
y a esté procédé et croy que l’asseurance est desjà telle en eux qu’ilz ne
21
craignent plus que bien peu, car ung filz de Françoys de Combes, jeudi
22
dernier, poursuivist et blessa dedans la garde de la porte Saint-
23
Felix ung qui aultreffoys avoit esté pourtier ; et dès ce jour, ou ung au
24
paradvant, le sieur de Mirabel avecques plusieurs cappitaynes se sont
25
promenés par ceste ville accompaignés de plusieurs de leurs adhérans
26
qui effraye ung peu le monde ; pourquoy, Monseigneur, vous playra nous
27
ayder en quelque façon affin que le dommage ne suyve la craincte ;
28
et je masseure que les benedictions et prières du peuple vous
29
impetreront envers Dieu, lequel je supplye vous donner,
30
Monseigneur, augmentant tousjours vostre grandeur très longue et
31
heureuse santé, et à tous ce que mieux vous aymés. De Valence, ce XXVIIIe
32
de julhet 1572.
33
Vostre très humble et très hobeissant serviteur
34
Clément Faure